Frå skippertak til regelmessig trening.

Planen med denne bloggen er å prøve å komme inn i gode vaner med regelmessig trening.

I fjor (det vil sei i forfjor 2010) var eg godt i gang med å springe regelmessig, men etter å ha gjennomført maraton i København og i Oslo vart eg lei og kom aldri skikkelig igang igjen. Å springe maraton var ei stor oppleving, ein seier for meg sjølv. Dette hadde eg drøymt om lenge og klarte tilslutt å gjennomføre.

Eg har lyst å springe nye maraton, men no har dørstokkmila blitt for lang og det er lett å finne alle mulige unnskyldningar for ikkje å ta turen ut. Satsar på at dette er begynnelsen på eit nytt og betre springeliv. God form gir energi i kvardagen, det har eg ikkje lyst å gå glipp av!

onsdag 29. februar 2012

Bergen har mykje fint å by på !


I går hadde eg meg ein kort tur i Fjelllveien, utruleg kjekt å springe og nyte utsikten over Bergen by. Nydelig å springe inne blant alle smitt og smau og sjå på den fantastisk fine trehusbegyggelsen. Kjekt å vere tilbake i Bergen etter gammalt.  Eg budde her frå 1985 til 1995, nesten 100 år sidan....

I dag sprang eg Fjellveien sørover, ca på høgde med store Lungårdsvatn sprang/gjekk eg oppover bakkane og tilbake mot byn. Var såvidt innom Skansemyren idrettsplass og kjente suset frå den tida eg gjekk på idrettslinja på Lærarskulen....såg for meg klassen der me sto på med spydkast og diskos.....fantastisk kjekk tid igrunn. Litt mimring må til når eg fyrst er i byn. 

Har fått meg sokkar med tær, i dag. Passar perfekt til Vibram skoene mine. Deilig å ha dei på inni skoene. Det går ganske bra med "barfot" springinga. Høgre legg vil lett stivne til, men dette har eg oversett desse to dagane og får sjå korleis det går. Har sprunge ca 9 km tilsammen i går og i dag, fornøgd med det!

Fjellveien
Smau ved Fløybanen
Utsikt over Bergen frå Fjellveien
                              

Lagt inn av kl.
Etiketter:

Ingen kommentarer:

Legg inn en kommentar

Abonner på: Legg inn kommentarer (Atom)