Joggebloggen: juni 2013

Frå skippertak til regelmessig trening.

Planen med denne bloggen er å prøve å komme inn i gode vaner med regelmessig trening.

I fjor (det vil sei i forfjor 2010) var eg godt i gang med å springe regelmessig, men etter å ha gjennomført maraton i København og i Oslo vart eg lei og kom aldri skikkelig igang igjen. Å springe maraton var ei stor oppleving, ein seier for meg sjølv. Dette hadde eg drøymt om lenge og klarte tilslutt å gjennomføre.

Eg har lyst å springe nye maraton, men no har dørstokkmila blitt for lang og det er lett å finne alle mulige unnskyldningar for ikkje å ta turen ut. Satsar på at dette er begynnelsen på eit nytt og betre springeliv. God form gir energi i kvardagen, det har eg ikkje lyst å gå glipp av!

lørdag 1. juni 2013

Haugesund halvmaraton 1. juni 2013

I dag skal eg springe halvmaraton i Haugesund. Har tenkt å ta det som ein roleg langtur. Kjenner eg er spent på korleis det skal gå. Eg har trent regelmessig, men har ikkje hatt så mange langturar. Målet er å fullføre :-)