Joggebloggen: april 2012

Frå skippertak til regelmessig trening.

Planen med denne bloggen er å prøve å komme inn i gode vaner med regelmessig trening.

I fjor (det vil sei i forfjor 2010) var eg godt i gang med å springe regelmessig, men etter å ha gjennomført maraton i København og i Oslo vart eg lei og kom aldri skikkelig igang igjen. Å springe maraton var ei stor oppleving, ein seier for meg sjølv. Dette hadde eg drøymt om lenge og klarte tilslutt å gjennomføre.

Eg har lyst å springe nye maraton, men no har dørstokkmila blitt for lang og det er lett å finne alle mulige unnskyldningar for ikkje å ta turen ut. Satsar på at dette er begynnelsen på eit nytt og betre springeliv. God form gir energi i kvardagen, det har eg ikkje lyst å gå glipp av!

torsdag 5. april 2012

Skjærtorsdag

Sist veke blei det kun ein springetur, det blei helgetur til Vågslid og eit par korte skiturar istaden for springing. Denne veka satsar eg på fleire turar. Hadde ein fin 7 km tur i Landåsen på tirsdag i lag med Ranveig. I dag var eg tidleg oppe og sprang langintervaller i skogen før familien var stått opp. Har ikkje frista å springe så tidleg før, men eg bestemte meg for å prøve. Hvis eg utset springinga til seint på dagen er det lett for at det ikkje blir.....Det gjekk overraskande bra. Kroppen og beina kjentes samarbeidsvillige ut og energien var på topp når eg kom heim. Deilig med påskeferie, satsar på fint ver i morgon!